როგორ მოვიქცე რომ ძაღლი არ დავკარგო:

1. იყიდეთ მისიმართის ჩასადები კონტეინერი და არასოდეს მოხსნათ ის ყელსაბამიდან. ძაღლს უნდა ეკეთოს მისამართი 24/7.

2. არ აუშვათ ძაღლი სატარებლიდან თუ არ ხართ დარწმუნებული მის საქციელში. განსაკუთრებით ყურადღებით იყავით ახალი წლის და სხვა ზეიმების დროს, როცა გარშემო ბევრ პეტარდებს და სალუტებს აფეთქებენ.

3. გაიარეთ ძაღლების წვრთნის კურსი პროფესიონალ კინოლოგებთან, როგორ გააჩეროთ გაქცეული ძაღლის უნდა ისწავლოთ - ეს არ არის თანდაყოლილი ცოდნა.

4. ნუ დატოვებთ ძაღლს მიბმულს მაღაზიასთან თუნდაც 5 წუთით, ძაღლი შეიძლება აუშვან ან/და მოიპარონ.

5. ყოველთვის ატარეთ ძაღლის საკვები თან: თუ ძაღლი ყელსაბამიდან ამოძვრა - გაგიმარტივდებათ მისი საკვებით მიტყუება.

რა უნდა გააკეთოთ თუ ძაღლი გაგეკარგათ:

1. შეამოწმეთ ძაღლი ხომ არ მივიდა იქ, სადაც თქვენ ცხოვრობთ, დაუძახეთ, დაიარეთ უახლოვესი უბნები, ნაცნობი ადგილები, გამოკითხეთ ყველა მოსეირნე ძაღლების მეპატრონეები.

2. დაურეკეთ მეგობრებს, ოჯახის წევრებს, სთხოვეთ მათ დახმარება. შეატყობინეთ კურატორს მომხდარის შესახებ და იმ პირს, ვისგანაც შეიძინეთ ძაღლი.

3. შეადგინეთ და ამობეჭდეთ განცხადება, შეძლებისდაგვარად ამობეჭდეთ გაცნხადება ფერად პრინტერზე რათა თვალშისახვედრი იყოს.

4. თქვენს ქალაქში თუ ხშირად წვიმს, მოათავსეთ განცხადებები ფაილებში და ღიობით ქვემოთ.

5. დაბეჭდეთ რამდენიმე ერთგვერდიანი განცხადება რომ პატარა ზომის ფურცლები დაურიგოთ ადამიანებს ვეტკლინიკებში, გამყიდველებს მაღაზიებში, მეეზოვეს, დაცვას პოლიკლინიკაში და ა.შ.

6. სთხოვეთ მათ, ვისაც ადგილზე დახმარება არ შეუძლია განათავსონ განცხადებები საიტებზე და ცხოველების ძებნის ჯგუფებში. გამოიყენეთ ნებისმიერი დანიშნულების ჯგუფი თუ ის მოიცავს სასურველ უბანს. მაგალითად, თუ ძაღლი ვაკეში დაიკარგა, განათავსეთ განცხადება ყველგან სადაც ვაკელები არიან გაწევრიანებულები. ასევე გამოიყენეთ ჯგუფები, რომლებიც გარკვეულ ჯიშებზეა ორიენტირებული.

7. ნუ გგონიათ რომ ძაღლი შორს ვერ გაიქცევა იმიტომ რომ შეეშინდება, ან იმიტომ რომ ბებერია ან პატარაა. აუცილებლად ძაღლის ძებნისას მოშორებული ტერიტორიებიც გაითვალისწინეთ.

რა გავაკეთოთ, როცა ძაღლს ვიპოვით:

1. შეამოწმეთ ყველა პუნქტი „რა უნდა გაკეთდეს რომ ძაღლი არ დაგეკარგოთ“ და დარწმუნდით, რომ ყველა პუნქტი შესრულებულია.

2. დაიარეთ ყველა ის ადგილი, სადაც ტოვებდით განცხადებებს და მოხსენით, წამოიღეთ ისინი. აცნობეთ ყველა იმ დაწესებულებას, სადაც იყავით, რომ ძაღლი ნაპოვნია და მისი ძებნა აღარაა საჭირო.

3. აუცილებლად გამოაცხადეთ ინტერნეტში რომ ძაღლი ნაპოვნია და წაშალეთ განცხადებები.

4. გაანალიზეთ სიტუაცია და სწორი დასკვნა გამოიტანეთ. იქნებ უკეთესია, კინოლოგს მიმართოთ უკეთ რომ გესმოდეთ თქვენი ძაღლის, ან შესაძლოა არ უნდა აუშვათ თქვენი ძაღლი სატარებლიდან. შესაძლოა, ძაღლის დაკარგვა გაუგებარი შეცდომის შედეგია, შეცდომისაგან კი არავინაა დაზღვუელი. გაუფრთხილდით თქვენს ოთხფეხა მეგობარს!